Мужчына ў Ельскім раёне забіў бацькоў і спрабаваў зарэзаць сябе

Ельскі райаддзел Следчага камітэта 19 лістапада пачаў крымінальную справу на 33-гадовага жыхара аграгарадка Зашыр'е. Яго падазраюць у замаху на забойства дзвюх асобаў.

Паводле інфармацыі следства, зранку 19 лістапада мужчына ў сябе дома некалькі разоў ударыў нажом свайго 58-гадовага бацьку і 59-гадовую маці. Пасля гэтага мужчына ударыў нажом сябе.

Бацька падазраванага памёр ад ранаў на месцы здарэння. А маці памерла ўначы 20 лістапада ў шпіталі. 

Мужчыну шпіталізавалі ў непрытомным стане.