Фуру занесла на мосце ў Светлагорскім раёне

На мосце праз Бярэзіну ў Светлагорскім раёне зранку 8 жніўня адбылося ДТЗ, піша tut.by. Кіроўца фуры на трасе Светлагорск-Жлобін не справіўся з кіраваннем: аўтамабіль занесла і развярнула.

Па словах відавочцаў, з абодвух бакоў моста ўтварыўся кіламетровы затор, бо гэта адзіная дарога, па якой можна трапіць са Светлагорска ў Жлобін.

Да месца здарэння прыехалі ДАІ, дарожная служба, МНС, хуткая, хаця пацярпелых няма.