Мужчына ў Старадарожскім раёне абстраляў суседа з пнеўматыкі
Фота: sk.gov.by
Следчы камітэт пачаў крымінальную справу на 23-гадовага жыхара Старадарожскага раёна. Хлопца вінавацяць у хуліганстве, учыненым з ужываннем зброі, інфармуе прэс-служба СК.
Інцыдэнт адбыўся ўвечары 5 кастрычніка. У міліцыю затэлефанавала жанчына і паведаміла, што ў вёсцы Баранава мужчына пагражае яе сужыцелю зброяй і абстрэльвае іх дом. Праваахоўнікі затрымалі стралка, які выявіўся жыхаром суседняй вёскі.
Як выявіла следства, нецвярозы хлопец прыйшоў да дома пацярпелага, каб пагаварыць пра агульных знаёмых. Гаспадар дома адмовіўся размаўляць. Тады наведвальнік дастаў пнеўматычны пісталет. Ён зрабіў каля 20 стрэлаў па вокнах, у бок гаспадара дома і яго сабакі. Калі вясковец з сабакам схаваліся ў доме, стралок сышоў, схаваўшы пісталет.
Падчас ператрусу дома ў стралка знайшлі 20 металічных шарыкаў для стральбы, схаваны ў гаспадарчай пабудове пісталет ды іншыя прадметы, прызнаныя рэчавымі доказамі.
Абвінавачаны ўзяты пад варту. Расследаванне працягваецца.