Кубак памяці Васіля Пінчука кліча на футбольнае поле

13 кастрычніка на стадыёне аграгарадка Чалюшчавічы пройдзе штогадовы розыгрыш кубка па футболе памяці Васіля Пінчука.

На спаборніцтвы запрашаюцца аматарскія футбольныя каманды без абмежаванняў па ўзросце. Сістэма спаборніцтваў будзе вызначана ў дзень правядзення мерапрыемства, зыходзячы з колькасці заяўленых каманд.

Сёлета пераможцы ў намінацыях “Лепшы варатар”, “Лепшы нападаючы”, “Лепшы абаронца” і “Лепшы паўабаронца” будуць ганараваны грашовымі прэміямі.

Пачатак спаборніцтваў у 10 гадзін.

Запрашаем усіх аматараў футбола прыняць удзел у спаборні-цтвах, а балельшчыкаў – падтрымаць каманды.

Наталля ДВОРАК, 

дырэктар ФСК “Ураджай”.

Фота з архіва “ПН”.