У аўторак у Беларусі будзе да +17

2 кастрычніка ў Беларусі чакаецца воблачнае з праясненнямі надвор'е, паведамляе Белгідрамет. 

Уначы будзе пераважна без ападкаў, удзень у асобных раёнах пройдуць невялікія кароткачасовыя дажджы. Вецер уначы прагназуецца слабы, удзень паўднёвы з пераходам на заходні, умераны. 

Уначы тэмпература паветра будзе +3...+8, удзень падымецца да 11-17 градусаў цяпла. 

А ўжо 3 кастрычніка зранку і ўдзень на большай частцы тэрыторыі краіны пройдуць кароткачасовыя дажджы. Слупок тэрмометра ўдзень пакажа не вышэй за 13 градусаў вышэй за нуль.