За адмову ў сексе мінчук праламіў сяброўцы галаву
Фота: pixabay.com
Міліцыянты затрымалі 37-гадовага мінчука, якога падазраюць у наўмысным прычыненні цяжкага цялеснага пашкоджання, паведамляе прэс-служба ГУУС Мінгарвыканкама.
Каля паўночы брыгаду "хуткай" выклікалі ў дом па праспекце Пушкіна ў Мінску. Там медыкі канстатавалі пералом скроневай косткі злева ў 42-гадовай жанчыны. Яе неадкладна шпіталізавалі.
Выявілася, што ў той вечар жанчына і яе сябар адпачывалі разам у забаўляльных установах, дзе разам выпівалі. Калі мужчына праводзіў сяброўку дадому, то прапанаваў ёй заняцца сексам, але жанчына адмовілася. У парыве гневу мінчук стукнуў жанчыну кулаком у галаву, а потым адправіўся да сябе дадому.
Пацярпелую жанчыну на лесвічнай пляцоўцы пабачыла суседка і выклікала медыкаў. Міліцыянты затрымалі падазраванага па месцы жыхарства.
Следчы камітэт праводзіць папярэдняе расследаванне па прыкметах наўмыснага прычынення цяжкага цялеснага пашкоджання. Мінчуку можа пагражаць да 8 гадоў пазбаўлення волі.
Паведамляецца, што мінчук непрацуючы, да крымінальнай адказнасці раней не прыцягваўся.