На выхадных на тэрыторыі раёна не прагназуецца ападкаў і будзе не так пахмурна. Разам з гэтым, чакаецца паніжэнне тэмпературы, захаваецца істотны вецер.
Сёння, 27 верасня, магчымы невялікі дождж і пахмурнае надвор’е. Заходні вецер складзе 8 — 10 метраў за секунду, пры парывах — 17. Удзень тэмпература прагрэецца да +14…+15 °С, уначы — не больш за +12 °С.
Невялікі дождж магчымы і ў пятніцу, 28 верасня. Будзе пахмурна з праясненнямі, заходні вецер — 6 — 8 м/с, парывы — да 14. Удзень 14…16 градусаў вышэй за нуль, ноччу — +7…+8 °С.
У суботу, 29 верасня, чакаецца малавоблачнае надвор’е, без ападкаў. Удзень не больш за +11 °С, уначы — +1…+2 °С. Сіноптыкі абяцаюць у гэты дзень паўночна-заходні вецер 6 — 8 м/с і парывы — да 14.
У нядзелю, 30 верасня, раніцай магчымы туман і пагаршэнне бачнасці на дарогах да 50 — 100 м. Удзень будзе не больш за 14 градусаў цяпла, ноччу — +4 …+5 °С. Спецыялісты абяцаюць яснае надвор’е і паўднёва-заходні вецер 6 — 8 м/с, які пры парывах можа дасягаць 12 м/с.
У панядзелак чакаецца невялікі дождж і пахмурнае з праясненнямі надвор’е. Тэмпература ўдзень — +11…+15 °С, уначы — 9…10 градусаў са знакам “+”. Паўднёвы вецер — 5 — 7 м/с, з парывамі да 12.
“НН”.