У Полацку ратавальнікі знялі з дрэва пакет са шчанюкамі

У Полацку ратавальнікі знялі з дрэва пакет са шчанюкамі, які павесіў невядомы. У МНС патэлефанавалі жанчыны, якія выпадкова яго пабачылі і пачулі, што ў ім нехта пішчыць. Пакет вісеў вельмі высока, ратавальнікі выкарыстоўвалі лесвіцу (фотаздымкі з'явіліся на сайце ok.ru). Яны знайшлі чатырох яшчэ сляпых шчанюкоў. Іх узяла адна з мясцовых жыхарак. Яе сабака дапаможа іх выкарміць.