Пад Смаргонню перакуліўся самаробны трактар, кіроўца загінуў

Пад Смаргонню загінуў вясковец, які ехаў на самаробным трактары. Здарэнне адбылося ў аграгарадку Крэва, паведамляе ДАІ Гродзенскай вобласці.

Трактар перакуліўся літаральна на роўным месцы і стаў на абочыні коламі ўверх. Кіроўца загінуў на месцы, а яго жонка, што ехала ў якасці пасажыркі, шпіталізаваная.

Транспартны сродак не быў зарэгістраваны.