7 верасня ў Беларусі будзе да 27 градусаў цяпла

У пятніцу, 7 верасня, ў Беларусі прагназуецца пераменная воблачнасць, інфармуе Белгідрамет. 

Будзе пераважна без ападкаў, толькі ўначы і зранку ў асобных раёнах па паўднёвым захадзе пройдуць невялікія кароткачасовыя дажджы, магчымыя навальніцы. Уначы і зранку месцамі чакаецца слабы туман. Вецер будзе ўсходні ўмераны. 

Уначы слупок тэрмометра пакажа +10...+16 градусаў, удзень ён падымецца да 21-27 вышэй за нуль. 

Цёплае надвор'е захаваецца ў нашай краіне і на бліжэйшых выходных.