Пажар на Альманскіх балотах лакалізавалі

Пажар на Альманскіх балотах цалкам лакалізаваны, паведамляе сайт Міністэрства лясной гаспадаркі. Паводле інфармацыі ведамства, на тушэнні пажару працавала болей за сотню работнікаў лясной аховы, некалькі адзінак гусенічных балатаходаў, а таксама авіяцыя МНС.

Узгаранне выявіў 24 жніўня дырэктар Палесскага лясгасу падчас патрулявання тэрыторыі. Работнікі лясной аховы адразу пачалі тушыць пажар, а 25 жніўня на дапамогу прыйшла авіяцыя МНС. Збіць агонь было складана праз сухое надвор’е і моцны вецер.

Мяркуецца, што прычынай пажару магла стаць незатушаная цыгарэта: у гэтых мясцінах часта бываюць збіральнікі ягадаў.