Ратавальнікі злавілі ў Мінску каралеўскую малочную змяю Кэмпбела (фота, відэа)

У Мінску ў раёне вуліцы Мірашнічэнкі злавілі змяю. Пра гэта паведамляе ў сацсетках прэс-служба Міністэрства па надзвычайных сітуацыях. 

Злоўленую рэптылію адвезлі ў заапарк. Яго работнікі паведамілі, што гэта каралеўская малочная змяя Кэмпбэла і пагадзіліся яе прытуліць. 

За апошнія паўмесяца гэта другі выпадак, калі ў Мінску ловяць збеглых змеяў. 15 жніўня ў раёне вуліцы Убарэвіча на тэрыторыі дзіцячага садка работнікі МНС злавілі чатырохметровага пітона. Яго гаспадара аштрафавалі на 490 рублёў.