Інфармацыйна-прапагандыская група наведала “Ніву-ЗАС”

Тэма размовы тычылася п’янства, ад якога нямала бед у грамадстве. Перад работнікамі названага вышэй прадпрыемства выступілі прадстаўнікі медыцыны, міліцыі, пажарнай службы. Медыкам прыходзіцца лячыць выпівохаў, міліцыянерам праводзіць з імі прафілактычную работу, каб не ўчынялі злачынстваў, супрацоўнікі райаддзела па надзвычайных сітуацыях таксама вымушаны мець справу з аматарамі выпіць, па віне якіх нярэдка ўзнікаюць пажары.

Работнікі “Нівы-ЗАС” звярнуліся да прадстаўнікоў інфармацыйна-прапагандысцкай групы з пытаннямі, на якія атрымалі кампетэнтныя адказы. Некаторыя звароты людзей, якія патрабуюць разгляду і прыняцця рашэнняў, будуць перададзены ў адпаведныя службы райвыканкама.

Юрый ЯНУШКЕВІЧ.

Фота аўтара.