У Брэсце адзначылі Дзень Незалежнасці Украіны

Прадстаўнікі украінскага консульства ў Брэсце, мясцовай прадстаўнічай і выканаўчай улады, дыяспары і грамадскасці горада ўсклалі кветкі ля помніка Тараса Шаўчэнкі. Пасля адбыўся кароткі мітынг.

Перад прысутнымі выступілі: Анатоль Діденко - консул Украіны ў Брэсце, Мікалай Красоўскі - старшыня Брэсцкага гарадскога Савета дэпутатаў, Віктар Місіюк - кіраўнік украінскага навукова-педагагічнага таварыства «Берагіня», Ігар Маслоўскі - кіраўнік арганізацыі «За свой горад», лідэр сацыял-дэмакратаў у Брэсцкай вобласці. Усе выступаючыя адзначылі, што нашы краіны аб'ядноўвае сумеснае гістарычнае мінулае, сучаснае супрацоўніцтва і добрасуседскія ўзаемаадносіны.

«Шаноўныя украінскія сябры! Ад імя Брэсцкай абласной арганізацыі Беларускай сацыял-дэмакратычнай партыі (Грамада) і грамадскасці Берасця віншую Вас з Днём Незалежнасці!

Незалежнасць – найвялікшая каштоўнасць для кожнай нацыі. Украінскі народ змагаецца за сваю незалежнасць больш за тысячу гадоў: пачынаючы з Кіеўскай Русі і заканчваючы сучаснай Украінай. Мы салідарныя з украінскім народам!

Нашы народы на працягу вякоў аб’ядноўваюць культурныя, гістарычныя і эканамічныя сувязі. Мы маем выдатную гісторыю суіснавання двух народаў: як у межах Кіеўскай Русі, так і ў межах Вялікага княства Літоўскага.

Жадаем моцы, веры, поспехаў і дабрабыту украінскаму народу!

Слава Украіне! Жыве Беларусь!» - пракаментаваў вынікі мерапрыемства Ігар Маслоўскі.