У Гомелі затрымалі грамадзяніна Расіі, які ў прыватным доме расціў каноплі

У Гомелі затрымалі грамадзяніна Расіі, які ў прыватным доме ў Новабеліцкім раёне расціў каноплі. Як інфармуе прэс-служба УУС Гомельскага аблвыканкама, у затрыманні прымалі ўдзел АМАПаўцы і супрацоўнікі ўпраўлення па наркакантролю і супрацьдзеянню гандлю людзьмі. Адзначаецца, што 47-гадовы мужчына мае від на жыхарства ў нашай краіне. Падчас ператрусу ў доме знайшлі 2,69 грама марыхуаны, тры гаршкі з раслінамі канопляў, насенне і спецыяльнае абсталяванне.

Распачатая крымінальная справа. Расіяніну пагражае абмежаванне волі на тэрмін да 5 гадоў ці пазбаўленне волі на тэрмін ад 2 да 5 гадоў.