16-гадовы матацыкліст-бяспраўнік збіў пад Івацэвічамі пенсіянерку-раварыстку

Увечары 22 жніўня, каля 20-й гадзіны, у вёсцы Краі Івацэвіцкага раёна адбылося ДТЗ, у якім пацярпела пенсіянерка, паведамляе gaibrest.by.

Па вуліцы Савецкай у вёсцы на матацыкле "ММВЗ-125" ехаў 16-гадовы школьнік, які не мае правоў кіроўцы. Ён збіў 63-гадовую раварыстку з вёскі Гутка Івацэвіцкага раёна: жанчына ехала ў спадарожным напрамку і павярнула налева. 

У выніку ДТЗ жанчына атрымала траўмя і была шпіталізаваная ў Івацэвіцкую раённую лякарню. 

Па факце ДТЗ праводзіцца праверка.