Лідчук адкрыў агонь з пісталета ў цэнтры горада

Крымінальную справу за хуліганства пачалі на 34-гадовага лідчука, які адкрыў страляніну ў цэнтры горада. Здарэнне адбылося на мінулым тыдні, піша uvd.grodno.by.

Уначы нецвярозы лідчук ішоў па вуліцы Савецкай. Пры сабе ён меў пнеўматычны пісталет. Каля дома 31 у мужчыны ўзнік канфлікт з двума іншымі мінакамі. Каб надаць важкасці сваім аргументам, мужчына дастаў пнеўматычны пісталет і пачаў страляць у тратуарную плітку.

На шчасце, пацярпелых пры інцыдэнце не было.

Міліцыянты затрымалі мужчыну. На яго пачалі крымінальную справу.