У нядзелю будзе цёпла, з дажджамі на ўсходзе краіны

У бліжэйшыя суткі. 19 жніўня, у Беларусі чакаецца хмарнае з праясненнямі надвор’е. Уначы прагназуюцца дажджы, якія пройдуць пераважна на ўсходзе краіны, пры гэтым у асобных раёнах будуць навальніцы. Таксама ўначы і раніцай месцамі магчымы слабы туман.

Вецер будзе пераменных напрамкаў, лабы да ўмеркаванага, пры навальніцах парывісты.

Тэмпература паветра ўначы і раніцай складзе 12-18 градусаў цяпла, удзень слупкі тэрмометраў пакажуць 23-29 са знакам плюс, паведамляе рэсурс pogoda.by