На пажары ў Лагойскім раёне эвакуявалі 10 чалавек

У гарадскім пасёлку Плешчаніцы Лагойскага раёна ў ноч на 17 жніўня гарэў двухпавярховы шматкватэрны дом, паведамляе прэс-служба МНС.

Звесткі пра задымленне ў кватэры на другім паверсе дома ратавальнікі атрымалі ў 00.17. Прыбыўшы на месца здарэння, супрацоўнікі МНС выявілі, што падчас пажару ў кватэры быў гаспадар і яго знаёмая.

З гэтай і суседніх кватэраў работнікі МНС эвакуявалі 10 чалавек, з іх адно дзіця. Пацярпелых няма.

Агонь пашкодзіў толькі матрац на плошчы 1 квадратны метр. 

Мяркуецца, што прычынай пажару стала неасцярожнае абыходжанне з агнём пры курэнні гаспадара кватэры.