Пасажырскі цягнік Кіеў — Мінск сутыкнуўся з грузавіком

Пасажырскі цягнік № 85 Кіеў — Мінск сутыкнуўся з грузавіком. Здарэнне адбылося а 7-й гадзіне раніцы 26 ліпеня на 451-м кіламетры перагону Бабруйск — Мірадзіна. Як інфармуе прэс-служба Беларускай чыгункі, на чыгуначным пераездзе апынуўся грузавік ГАЗ-52, кіроўца чамусьці не звярнуў увагу на сігналізацыю. Машыніст выкарыстаў экстраннае тармажэнне, аднак сутыкнення пазбегнуць не ўдалося.

Адзначаецца, што ніхто з людзей не пацярпеў. Цягнік прыбыў у Мінск са спазненнем на тры гадзіны.