Пад Баранавічамі кіроўца заснуў за рулём і ўрэзаўся ў сустрэчнае аўто

22 ліпеня каля 14-й гадзіны пад Баранавічамі адбылося ДТЗ, у якім пацярпелі два чалавекі, паведамляе gaibrest.by. 

58-гадовы жыхар Ганцавічаў на аўтамабілі "Рэно Лагуна" ехаў па аўтадарозе Р-4 "Баранавічы-Ляхавічы" ў бок Баранавічаў. Кіроўца заснуў за рулём і выехаў на паласу сустрэчнага руху. Там яго аўтамабіль урэзаўся ў "Фіят Дуката", якім кіраваў 37-гадовы мужчына. 

Пры ДТЗ траўмы атрымалі кіроўца "Рэно" і 38-гадовы пасажыр. Іх шпіталізавалі ў Баранавіцкую гарадскую лякарню. 

Па факце ДТЗ праводзіцца праверка.