Два чалавекі загінулі ў ДТЗ пад Дзяржынскам

На трасе М1 каля Дзяржынска адбылося ДТЗ са смяротным вынікам, паведамляе tut.by. Удзельнікамі інцыдэнту сталі мікрааўтобус і аўтамабіль Volkswagen Passat.

Пры ДТЗ загінулі два чалавекі, паінфармавала афіцыйная прадстаўніца ўпраўлення Следчага камітэта па Мінскай вобласці Таццяна Беланог. Па яе словах, дзяржынскія следчыя разам з супрацоўнікамі ДАІ і экспертамі праводзяць неадкладныя следчыя дзеянні, працуюць з удзельнікамі здарэння, відавочцамі, фіксуюць сляды.