Інфармацыйна-прапагандысцкая група сустрэлася з жыхарамі Сасноўкі

Інфармацыйна-прапагандысцкая група, якую ўзначальвае старшыня раённага Савета дэпутатаў Іван Рамановіч, сустрэлася з жыхарамі вёскі Сасноўка. Аб ахове здароўя расказала намеснік галоўнага ўрача цэнтральнай раённай бальніцы Наталля Тупека. Пытанні пажарнай бяспекі закрануў у сваім выступленні намеснік начальніка раённага аддзела па надзвычайных сітуацыях Эдвард Міхалькевіч. Аб крымінагеннай сітуацыі ў раёне паведаміў першы намеснік начальніка РАУС Іван Руткоўскі. Старшыня раённага аб’яднання прафсаюзаў Вікенцій Найдзіч завастрыў увагу прысутных на патрабаваннях працоўнага заканадаўства. А старшыня Жодзішкаўскага сельвыканкама Святлана Кучарава павяла гаворку пра чысціню і парадак у населеных пунктах.

Напрыканцы сустрэчы вяскоўцы задалі пытанні, якія тычыліся медыцыны і добраўпарадкавання. На іх былі атрыманы кампетэнтныя адказы.

Юрый ЯНУШКЕВІЧ.

Фота аўтара.