У Жыткавіцкім раёне вясковец застрэліў з паляўнічай стрэльбы сваю сужыцельку
04.07.2018 14:46
—
Разное
![У Жыткавіцкім раёне вясковец застрэліў з паляўнічай стрэльбы сваю сужыцельку](http://www.21.by/pub/news/2018/07/1530714645040220.jpg)
Здымак з архіву.
У Жыткавіцкім раёне вясковец застрэліў з паляўнічай стрэльбы ІЖ-17 сваю сужыцельку, а таксама параніў гаспадара дома. Стралка затрымалі, ён патлумачыў свае дзеянні пачуццём рэўнасці. Распачатая крымінальная справа.
Як піша "Гомельская праўда" са спасылкай на Следчы камітэт, стральба ў вёсцы Буда адбылася 1 ліпеня. 37-гадовы падазраваны, жыхар Любанскага раёна, знаходзіўся ў доме свайго 37-гадовага знаёмага, якога параніў. Забітай жанчыне было 26 гадоў. Высветлілася, што стрэльба незарэгістраваная.