І запалае купальскае вогнішча

6 ліпеня ў 21 гадзіну на пляцоўцы ля першага пляжа ў Петрыкаве пачнецца тэатралізаванае свята “Купалле”. Пра гэта паведамілі ў райвыканкаме.

Святочная праграма з гульнямі, песнямі і конкурсамі, сярод якіх прадстаўленне “Купальскія забавы”, працягнецца да 1 гадзіны ночы 7 ліпеня.

Аналагічнае мерапрыемства ў такі ж час пройдзе і ва ўрочышчы “Дамаха” ў Капаткевічах.

Аграгарадок Ляскавічы запрашае гасцей на сваё “Купалле”, якое адбудзецца на беразе мясцовага канала 7 ліпеня з 20 да 1 гадзіны.

Праграмы з нагоды свята будуць арганізаваны таксама ўстановамі культуры ў населеных пунктах Бабунічы, Курыцічы, Пціч, Лучыцы, Навасёлкі, Новыя Галоўчыцы, Муляраўка, Конкавічы, Смятанічы, Церабаў, Мышанка, Рог, Турок і Бяланавічы.

П. ВАЛОДЗІН.