У Мінску сеў самалёт авіякампаніі Air China Барселона — Шанхай

У Нацыянальным аэрапорце "Мінск" здзейсніў пасадку самалёт авіякампаніі Air China, які выконваў рэйс з Барселоны ў Шанхай. Пасадка адбылася ў 17:20 і прайшла паспяхова. Зараз борт CCA840 знаходзіцца на запасной паласе, паведамілі Еўрарадыё ў службе даведкі аэрапорта.

Перад гэтым A330-243 зрабіў некалькі кругоў у раёне Барысава і Радашковічаў, каб спаліць лішняе паліва.