У пятніцу на мінулым тыдні з рабочай паездкай на Століншчыне пабываў старшыня Брэсцкага абласнога аб’яднання прафсаюзаў Аляксандр Андрэевіч Мурашкін.
Лідар абласнога прафсаюзнага руху разам са старшынёй раённага аб’яднання Міхаілам Захаравічам Карплюком, спецыялістамі абласнога аб’яднання прафсаюзаў – галоўным прававым інспектарам працы Ірынай Яўгенаўнай Міхновіч і галоўным тэхнічным інспектарам працы Паўлам Аляксандравічам Фядотавым наведалі ААТ “Давыд-Гарадоцкі электрамеханічны завод” і філіял ААТ “Берасцейскі пекар” Давыд-Гарадоцкі хлебазавод, дзе азнаёміліся з вытворчасцю, умовамі працы і быту працаўнікоў.
Не засталіся па-за ўвагай выязной брыгады і пытанні кантрактнай сістэмы найму, тэрмінаў выплаты заработнай платы, водпускаў, а таксама пытанні прыёму і звальнення, аховы працы і іншыя працоўныя моманты.
Акрамя таго на абодвух прадпрыемствах быў праведзены прыём грамадзян.
Двое рабочых цікавіліся, ці можна водпуск падзяліць не на дзве, а на некалькі частак.
Маладая супрацоўніца цікавілася, калі можна ўзяць дадатковыя тры дні водпуску, якія прадугледжаны кантрактам з нагоды ўзяцця шлюбу: да вяселля ці пасля?
Па тэлефоне прасілі растлумачыць, ці правамернае пакаранне за дысцыплінарны праступак вымовай і пазбаўленнем прэміі.
Усе, хто прыйшоў на прыём ці звярнуўся па тэлефоне, атрымалі вычарпальныя адказы.
Галіна
ГАШЧУК
Фота аўтара