Жыхар Маларыты падчас прагулкі з унукамі знайшоў астанкі 11 чалавек

У Маларыце мужчына падчас прагулкі з унукамі знайшоў астанкі 11 чалавек. У пяску ён заўважыў фрагменты костак і патэлефанаваў у міліцыю. Здарэнне адбылося ў панядзелак, 4 чэрвеня. На месца прыязджалі спецыялісты Дзяржаўнага камітэта судовых экспертыз. Яны і зрабілі папярэднюю выснову, што знойдзеныя астанкі 10 мужчын і 1 жанчыны. Прызначана медыка-крыміналістычная экспертыза, па выніках якой можна будзе прыблізна сказаць, калі людзі былі там пахаваныя.

Мясцовыя жыхары прыгадваюць, што падчас Другой сусветнай вайны ў гэтым раёне праходзілі баі.