Пад Мінскам упаў лятальны апарат — пілот траўмаваны

Пад Мінскам упаў лятальны апарат —  паратрайк, а яго пілот атрымаў траўму пляча. Пра гэтае здарэнне паведамляе прэс-служба МНС. Інцыдэнт адбыўся ўвечары 2 чэрвеня ля вёскі Лашаны. Паратрайк упаў у лясным масіве —  падчас палёту магла абарвацца страпа.

Выкліканыя на месца здарэння выратавальнікі аказалі дапамогу пілоту і перадалі яго медыкам. Стан пацярпелага здавальняючы, прычыны здарэння высвятляюцца.