У Мінску студэнт парэзаў рукі і выскачыў з акна, але выжыў

24 мая ў студэнцкім інтэрнаце па вуліцы Курчатава ў Мінску з акна выскачыў хлопец. На шчасце, ён застаўся жывы, піша tut.by.

Па словах студэнтаў, спярша хлопец парэзаў сабе вены, а потым выскачыў з акна трэцяга паверха. Яго забрала "хуткая", і студэнта шпіталізавалі. На факультэце кажуць, што хлопец не атрымаў нават пераломаў. 

Паведамляецца, што гэта 20-гадовы першакурснік БДУ. Паводле неафіцыйнай інфармацыі, ён меў невялікія праблемы з вучобай — няздадзеныя залікі.

Прычына, з якой малады чалавек наважыўся на самагубства, невядомая.