У Брэсце невядомы падпаліў гаўбец у шматкватэрным доме

На пажар у жылым шматкватэрным доме па вуліцы Скрыпнікава выклікалі брэсцкіх ратавальнікаў 24 траўня ў 22.18.

Як паведамляе прэс-служба МНС, пажар узнік на першым паверсе пяціпавярховага дома, у кватэры, якая належыць 65-гадовай пенсіянерцы. 

Агонь знішчыў аконны блок, маёмасць і аздабленне гаўбца, ад яго закураныя сцены і столь у пакоі. 

Мяркуецца, што прычынай пажару стаў падпал з боку неўсталяванай асобы.