Жыхар Баранавіцкага раёна загінуў ад супрацьтанкавай гранаты, якую ён пілаваў
01.05.2018 16:41
—
Разное
![Жыхар Баранавіцкага раёна загінуў ад супрацьтанкавай гранаты, якую ён пілаваў](http://www.21.by/pub/news/2018/05/1525190433304116.jpg)
Фота: pixabay.com
29 красавіка ў вёсцы Дзераўная Баранавіцкага раёна адбылася трагедыя — загінуў чалавек, піша intex-press.by.
Прыкладна ў 16.30 у дзяжурную частку Баранавіцкага РАУС паведамілі пра вубух у Дзераўной. Як выявілася, узарвалася супрацьтанкавая граната ПГ-7. Мяркуецца, што яе спрабаваў у хляве ў двары свайго дома распілаваць ручной нажоўкай 61-гадовы мясцовы жыхар.
Паведамляецца, што мужчына загінуў на месцы выбуху. У хляве ён быў адзін.
Дарэчы, падобны выпадак у раёне адбыўся ў верасні 2014 года. Тады ў вёсцы Лясна загінуў 33-гадовы мужчына, калі спрабаваў шліфавальнай машынкай распілаваць супрацьтанкавы снарад.