350 чалавек эвакуявалі з магілёўскага каледжа з-за газавага балончыка
24.04.2018 10:20
—
Разное
Фота: mchs.gov.by
350 чалавек былі эвакуяваныя з Магілёўскага дзяржаўнага політэхнічнага каледжа 23 красавіка, паведамляе прэс-служба МНС.
Каля 13-й гадзіны мясцовым ратавальнікам паведамілі пра рэзкі пах на паверхах пяціпавярховага навучальнага корпуса каледжа.
Яшчэ да прыбыцця ратавальнікаў персанал каледжа эвакуяваў з будынку 350 навучэнцаў. Работнікі МНС замерылі паветра на ўсіх паверхах, шкодныя рэчывы не былі выяўленыя. Памяшканні проста праветрылі.
Пацярпелых пры інцыдэнце няма.
Мяркуецца, што прычынай інцыдэнту стаў распылены газавы балончык.