У Мінску гарэў склад, дым было бачна па ўсім горадзе

У сталічным Зялёным Лузе сёння адбыўся пажар на складзе. Як паведамляе Твітар МНС, інцыдэнт здарыўся ў будынку па вуліцы Лук’яновіча, 10 на тэрыторыі Доследна-механічнага завода. Плошча пажару склала каля 50 квадратных метраў. У памяшканні не было маёмасці, толькі будаўнічае смецце.

У 9.32 агонь лакалізавалі, пацярпелых няма. Прычына ўзгарання высвятляецца.