У Гродне мужчына зламаў жанчыне сківіцу, бо яна не захацела з ім пазнаёміцца

У Гродне мужчына зламаў жанчыне сківіцу, бо яна не захацела з ім пазнаёміцца. Здарэнне адбылося ў адной з забаўляльных устаноў. Як інфармуе афіцыйны прадстаўнік УУС Гродзенскага аблвыканкама Максім Базыленка, 42-гадовы мужчына быў у стане алкагольнага ап'янення. Ён настойліва спрабаваў “наладзіць кантакт” з 35-гадовай жанчынай, але ёй такая кампанія не спадабалася. Яна папрасіла невядомага не прыставаць. Ён раззлаваўся і ўдарыў яе кулаком у твар.

Распачатая крымінальная справа, артыкул — “Наўмыснае прычыненне менш цяжкага цялеснага пашкоджання”.