Запрашаем да ўдзелу ў конкурсе

«Мая малая радзіма» – такі конкурс аб’яўляе рэдакцыя нашай газеты. Калі ласка, дасылайце фотаздымкі, фіксуйце ўсё, што здасца вам прыгожым, цікавым, незвычайным. У кожнага ёсць шанц убачыць сваё фота ў газеце. З задавальненнем разгледзім і пастараемся змясціць у «Прамені» вашы апавяданні, эсэ аб дарагіх, любых сэрцу мясцінах. Успаміны, расказы аб тым, чым жыве сёння наш родны кут. Удзячная тэма – пра наш горад Стоўбцы, 425-годдзе якога будзе адзначацца сёлета ў чэрвені. Усё гэта можа быць цікавым для чытачоў. Чакаем вашых фотаздымкаў, допісаў, можна скарыстаць тут ці традыцыйную паштовую карэспандэнцыю, ці пісьмо на электронны адрас «Праменя».

Фота Васіля ЗЯНЬКО