У Чэхіі на хімічным камбінаце адбыўся выбух, загінулі 6 чалавек

У Чэхіі каля горада Кралупі-над-Влтавай на хімічным камбінаце адбыўся выбух, загінулі не менш за 6 чалавек. Ёсць параненыя (у некаторых работнікаў прадпрыемства цяжкія раненні). Аднаго з іх вывозіў верталёт хуткай дапамогі.

Прычыны выбуху пакуль невядомыя. Адзначаецца, што пажару ў выніку здарэння не было. Мясцовыя ўлады заяўляюць, што небяспекі для горада няма, паколькі выкіду небяспечных рэчываў у атмасферу не было, інфармуе сайт lidovky.cz.