Праздничные мероприятия в честь 8 Марта пройдут в Бешенковичском районе

8 Сакавіка — свята любові і захаплення жанчынамі, самымі выдатнымі стварэннямі на зямлі. Гэта асаблівы вясновы дзень, калі душа адгукаецца на прабуджэнне прыроды, калі пралеска прабіваецца праз снежнае покрыва і распускае непаўторны шэдэўр сваіх беласнежна-ліловых пялёсткаў.

Першапачаткова гэта дата календара мела чыста палітычную афарбоўку, была не святам вясны, кахання і пакланення перад чароўнымі прыгажунямі, а днём барацьбы жанчын за свае правы, за раўнапраўе з мужчынамі ў побыце, сям'і і ў жыцці, за роўнае выбарчае права...

Але з той пары выцякла шмат вады, у ХХI стагоддзі 8 Сакавіка асацыюецца са святам надыходу вясны, зачаравання, прыгажосці і жаноцкасці. Да гэтай даты ў раённым Цэнтры культуры прымеркавалі вечар-сустрэчу са шматдзетнымі маці "Шчасце матулі", якая адбудзецца заўтра, 7 сакавіка. Пачатак запланаваны на 15 гадзін.