У ДТЗ пад Лепелем загінулі прадстаўніцы кіраўніцтва федэрацыі плавання

Стала вядома, што ў жахлівай аўтааварыі пад Лепелем загінулі дзве прадстаўніцы кіраўніцтва Беларускай федэрацыі плавання. Гэта — выканаўчы дырэктар Жанна Ісаеня і генеральны сакратар Таццяна Жукава. Яны вярталіся са спаборніцтваў у Наваполацку, паведамляе БЕЛТА.

Як інфармавала Еўрарадыё, увечары 1 сакавіка на 139-м кіламетры аўтадарогі Мінск — Віцебск Geely, у якім былі дзве жанчыны, выехаў на паласу сустрэчнага руху і трапіў пад фуру. Адна з пацярпелых памерла на месцы ад атрыманых траўмаў, іншая — праз паўтары гадзіны ў бальніцы. Па факце аўтааварыі распачатая крымінальная справа.