У суботу ў Беларусі прагназуюць снегапад

Воблачнае надвор'е прагназуецца ў Беларусі ў суботу, 10 лютага. Пра гэта інфармагенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

На большай частцы тэрыторыі краіны пройдзе снег, мокры снег. У асобных раёнах магчымы туман, галалёд, месцамі на дарогах галалёдзіца. Вецер чакаецца паўночна-ўсходні 3-8 метраў за секунду.

Тэмпература паветра ўначы будзе ад нуля да 6 градусаў марозу. Удзень чакаецца -4...+1.