У цэнтры Мінска ліквідавалі наступствы пашкоджання трубаправода (фота)

У цэнтры Мінска ліквідавалі наступствы пашкоджання трубаправода. Здарэнне адбылося ў аўторак, 6 лютага, у раёне Міхайлаўскага сквера. У выніку без цяпла засталіся некалькі дзясяткаў жылых дамоў і адміністрацыйных будынкаў па вуліцах Кірава, Свярдлова, Ленінградскай, Бабруйскай, Ульянаўскай, Міхайлаўскім завулку, Прывакзальнай плошчы і праспекце Незалежнасці.

Рамонтныя працы працягваліся і ўночы. Як інфармуе прэс-служба прадпрыемства “Мінскэнерга”, цяпло ў дамах з’явілася ў 3:30.