Страшнае ДТЗ у Салігорску са смяротным вынікам: сутыкнуліся два легкавікі

Страшнае ДТЗ са смяротным вынікам адбылося ў Салігорску. Як перадае autorun.by, 2 лютага каля 23.00 на вуліцы Заслонава сутыкнуліся легкавікі Audi і BMW. Кіроўца “Аўдзі” выязджаў на вуліцу з двара, а машына BMW рухалася ў кірунку вёскі Дубеі.

“Аўдзі” атрымала вельмі моцныя пашкоджанні — удар трапіў у той бок машыны, дзе знаходзіўся кіроўца. Мужчына, які быў за рулём, сканаў ад траўмаў на месцы здарэння. У BMW цалкам разбітая пярэдняя частка.

Абставіны аварыі высвятляюцца.