Васьмікласнік трапіў пад МАЗ у Лагойскім раёне

Школьнік трапіў пад колы грузавіка ў вёсцы Астрашыцы Лагойскага раёна, піша tut.by са спасылкай на ДАІ УУС Мінаблвыканкама.

ДТЗ адбылося на 20-м кіламетры трасы Бараўляны — Лагойск 30 студзеня каля 16.20. 

58-гадовы кіроўца грузавіка МАЗ ехаў у напрамку Астрашыцкага Гарадка. Ён не паспеў зрэагаваць на тое, што з-за рэйсавага аўтобуса, які стаяў на прыпынку, на праезную частку выйшаў 14-гадовы школьнік. Хлопчык пераходзіў вуліцу ў неналежным месцы. 

Школьнік пры здарэнні атрымаў траўмы рознай ступені цяжкасці і быў шпіталізаваны ў хірургічнае аддзяленне лякарні.