На Эльбрусе зніклі два альпіністы з Беларусі

На Эльбрусе ў Кабардзіна-Балкарыі зніклі два альпіністы з Беларусі. Яны не выходзяць на сувязь ужо больш за тыдзень, з 17 студзеня. Пошукам беларусаў ратавальнікі (8 чалавек і 1 адзінка тэхнікі) заняліся толькі ў чацвер, 25 студзеня, калі атрымалі паведамленне пра альпіністаў. Яны абследуюць усходні схіл гары.

Прэс-служба Галоўнага ўпраўлення МНС Расіі па Кабардзіна-Балкарскай Рэспубліцы адзначае, што група з Беларусі не была зарэгістраваная.