У другой палове тыдня пацяплее, чакаюцца снег і дождж

У другой палове тыдня ў Беларусі пацяплее, чакаюцца мокры снег і дождж. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Першая палова тыдня будзе марознай дзякуючы халоднаму антыцыклону. Але ў сярэдзіне тыдня яго зменяць атлантычныя цыклоны, якія прынясуць цёплае паветра. 

У аўторак, 23 студзеня, надвор'е будзе пераважна без ападкаў. Уначы і зранку ў асобных раёнах чакаецца туман, шэрань. На дарогах месцамі захаваецца галалёдзіца. Уначы тэмпература паветра прагназуецца -9...-15 градусаў, пры ясным небе месцамі слупок тэрмометра апусціцца да 16-18 ніжэй за нуль. Удзень чакаецца ад 5 да 11 градусаў марозу.

У сераду, 24 студзеня, уначы будзе марозна і пераважна без ападкаў. Зранку і ўдзень у заходніх і цэнтральных раёнах краіны чакаецца кароткачасовы снег, па Брэстчыне і Гродзеншчыне — мокры снег з дажджом, галалёд. Месцамі прагназуюцца туманы, на дарогах — галалёдзіца. Уначы слупок тэрмометра пакажа 10-16 са знакам "мінус", пры праясненнях месцамі — да 18 градусаў марозу. Удзень сіноптыкі абяцаюць -3...-9 градусаў. На захадзе Беларусі маразы ўначы аслабеюць да 8-9 ніжэй за нуль, а ўдзень павысіцца да -2...+1 градуса.

У чацвер сіноптыкі прагназуюць кароткачасовыя ападкі ў выглядзе мокрага снегу і дажджу. У асобных раёнах чакаецца туман, галалёд, на дарогах галалёдзіца. Уначы слупок тэрмометра пакажа ад 3 да 8 градусаў марозу, па ўсходзе краіны — да -10, на захадзе — каля нуля. Удзень чакаецца ад 3 градусаў марозу да 3 цяпла.

У пятніцу, 26 студзеня, па паўночна-заходняй палове краіны пройдуць кароткачасовыя мокры снег, дождж. Чакаюцца слабыя туман і галалёд. На асобных участках дарог — галалёдзіца. Уначы прагназуецца ад нуля да 6 градусаў марозу, найбольш халодна будзе па паўднёвым усходзе — да -7...-10 градусаў. Удзень прагназуецца ад -3 да +3 градусаў.