У Мінску падчас зарадкі загарэўся мабільны тэлефон, пацярпеў 3-гадовы хлопчык

У Мінску падчас зарадкі загарэўся мабільны тэлефон “Samsung J7” (2015 года выпуску), пацярпеў 3-гадовы хлопчык. Як інфармуе прэс-служба МНС, у дзіцяці апёк нагі, яго шпіталізавалі.  

Здарэнне адбылося а 6-й гадзіне раніцы 12 студзеня ў жылым доме па Грушэўскай вуліцы. Адзначаецца, што адбылося разбурэнне акумулятарнай батарэі. Прычына здарэння высвятляецца.

Вядома, што ў момант здарэння ў кватэры была маці хлопчыка.