У Гомелі двое дзяцей былі на падаконніку адчыненага акна на пятым паверсе
Фота: 112.by
У Гомелі двое малых дзяцей былі на падаконніку адчыненага акна на пятым паверсе жылога дома. Здарэнне адбылося ў чацвер, 4 студзеня, на вуліцы Кожара. Ратавальнікам патэлефанавалі відавочцы. Калі на месца прыехалі супрацоўнікі МНС, у адчыненых вокнах не было відаць дзяцей. Яны аператыўна разгарнулі пад акном “куб жыцця” і правялі разведку. Высветлілася, што ў кватэры без нагляду дарослых знаходзіліся двое хлопчыкаў 2010 года нараджэння.
Праз зачыненыя ўваходныя дзверы ратавальнікі размаўлялі з хлопчыкамі, пакуль дахаты не вярнулася іх маці. Дарэчы, менавіта ад іх удалося даведацца, дзе яна працуе і звязацца з ёй. Высветлілася, што на час, пакуль бацькі былі на працы, за хлопчыкамі мусіла глядзець іх 24-гадовая сястра, якая пайшла ў краму, інфармуе прэс-служба МНС Гомельскай вобласці.