У першы працоўны дзень года ў Беларусі абяцаюць дождж і мокры снег

Дождж і мокры снег на большай частцы Беларусі чакаюцца 3 студзеня. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Надвор'е будзе пераважна воблачнае. У асобных раёнах прагназуецца наліпанне мокрага снегу, слабыя туман, галалёд, месцамі на дарогах галалёдзіца. Вецер чакаецца паўднёвы, умераны.

Уначы і зранку тэмпература паветра будзе ад -2 да +3 градусаў. У другой палове дня слупок тэрмометра будзе паказваць ад нуля да 5 градусаў цяпла.