У Віцебску знайшлі мужчыну, павешанага на дзіцячай пляцоўцы

1 студзеня ў Віцебску на дзіцячай пляцоўцы ў дварах на вуліцы Герцэна знайшлі павешанага мужчыну, пішуць "Народныя навіны Віцебска".

Мужчыну было каля 30 гадоў. Ён вісеў на перакладзіне арэляў на дзіцячай пляцоўцы паміж дамамі №14 і 16а. Ногі мужчыны былі ў напаўсагнутым стане, а побач вісела сумачка-барсетка.

Мяркуецца, што ён мог скончыць жыццё самагубствам. 

Відавочцы распавялі, што жыў мужчына непадалёк на супрацьлеглым баку вуліцы. Праваахоўнікі хутка знайшлі яго жонку і выклікалі на месца трагедыі. Падрабязнасці трагедыі следства не паведамляе.