У раёне зачыненага моста катэры МНС перавезлі праз Прыпяць каля 100 чалавек
Фота: sb.by
У раёне зачыненага моста ў Жыткавіцкім раёне катэры МНС перавезлі праз Прыпяць каля 100 чалавек. Такую лічбу агенцтву БЕЛТА назваў афіцыйны прадстаўнік міністэрства Віталь Навіцкі.
"На 16.00 катэры МНС перавезлі праз Прыпяць 91 чалавека, у тым ліку 12 дзяцей", — паведаміў Навіцкі. Ён нагадаў, што рух праз мост у Жыткавіцкім раёне цалкам спынены.
Раней паведамлялася, што ўдзень 7 снежня відавочца затэлефанаваў у МНС і паведаміў, што на мосце праз з'явілася расколіна. Спярша быў спынены аўтамабільны рух праз мост, а потым і пешаходны. Да вырашэння сітуацыі жыхароў на другі бераг Прыпяці будуць перапраўляць ратавальнікі на катэрах.
Увечары 7 снежня ў Жыткавічах прайшло выязное пасяджэнне камісіі па надзвычайных сітуацыях пры Гомельскім аблвыканкаме. Камісія вырашыла перавесці на кругласутачны рэжым працы паромную пераправу для легкавых аўтамабіляў у раёне вёскі Снядзін Петрыкаўскага раёна. Таксама вядуцца іншыя працы.
Жыткавіцкае райпо арганізуе бесперабойную падачу харчовых і нехарчовых тавараў у тураўскі філіял. Жыткавіцкая цэнтральная раённая лякарня узгадніла з калегамі з Лельчыцаў экстранную дастаўку цяжкахворых пры неабходнасці з лякарні Турава.